دليل العناية بالموبايل : لاداء اعلى وسرعة اكبر

من فينا تليفونه ما بيتقلش بعد فترة من الاستخدام؟ مين مش عايز تليفونه يفضل دايمًا سريع وشغال زي ما جه اول مرة؟ الموضوع مش صعب، هنتكلم هنا عن شوية نصائح عشان تليفونك يفضل شغال باقصى اداء ممكن، وكمان هتحافظ عليه وتطول في عمره.

ليه محتاجين نحسن أداء موبايلاتنا؟

مافيش خلاف على اهمية الموبايل وانها بقت متعددة المهام لدرجة اننا بنستخدمها في كل حاجة مش بس شغلنا او تواصلنا مع الناس او حتى لعبنا. ومع مرور الوقت، الاداء بينخفض بسبب الملفات الكتير اللي بتتخزن من غير لازمة، او التطبيقات الكتير المفتوحة في الخلفية او الغير مستخدمة، وكل وده بينقص مساحة التخزين وبيأثر على سرعة واداء موبايلك. وبالتالي محتاج كل فترة انك ترجع موبايلك زي الاول.

1. حذف الملفات غير المرغوب فيها ومسح ذاكرة التخزين المؤقت

اثناء الاستخدام بتتراكم مجموعة كبيرة من الملفات غير المرغوب بيها وبيانات التخزين المؤقتة بشكل بيبطئ جهازك ويقلل المساحة التخزينية، وعشان كدة لازم نتخلص منها:

• مسح ذاكرة التخزين المؤقت للتطبيق Clear Cache: تقدر ببساطة تروح للاعدادات، ومنها للتطبيقات، وتحدد التطبيق اللي انت شايف انه متقل الجهاز، وتمسح ذاكرة التخزين المؤقتة Clear Cache للتطبيق، وده بيفضي جزء من المساحة التخزينية وبالتالي اداء افضل.
• استخدم تطبيقات التنظيف Cleaning Apps: تقدر تستخدم تطبيق من التطبيقات الموثوقة زي  CCleaner أو Clean Master من Google Play. التطبيقات دي بتفحص جهازك بكفاءة وبتعرض الملفات غير المرغوب فيها او الملفات المؤقتة وبتمسحها بسهولة، من غير ما تحتاج تدور عليها بنفسك.

2. الحفاظ على سرعة جهازك واستجابته

دي شوية نصايح لتسريع استجابة جهازك وتحسين اداؤه:

• تعطيل الرسوم المتحركة Animation  غير الضرورية: التأثيرات الحركية في الاجهزة بتقلل من سرعة الاستجابة، فلو جهازك بيعاني من البطئ، فتقدر بعض الاجهزة من الاعدادات توصل لخيارات المطور على جهازك وتقلل مقاييس الرسوم المتحركة أو تعطلها خالص، دي خطوة بتسرع استجابة جهازك اثناء الاستخدام.
• الحد من عمليات الخلفية Background Process: فيه تطبيقات كتير بتشتغل في الخلفية، وده مش بس بيبطئ عمل الموبايل، لكن كمان بيستهلك من البطارية، فلو جهازك بطيئ بشكل ملحوظ، تقدر من الاعدادات تفتح اعدادات البطارية، وتشوف التطبيقات اللي شغالة في الخلفية وبتستهلك الطاقة وتقدر تعطل اللي مش محتاجه منها وتسرع موبايلك وتحافظ على البطارية.
• إلغاء تثبيت التطبيقات الغير مستخدمة: راجع قائمة التطبيقات كل فترة، والغي التطبيقات اللي بطلت تستخدمها، وده ضروري لزيادة المساحة التخزينية وتقليل العمليات الخلفية وتحسين الاداء.
• استخدام التخزين السحابي: مهم جدًا استخدام خدمات التخزين السحابية مثل Google Drive أو Dropbox لتخزين الملفات والصور ومقاطع الفيديو. لأن ده مش بس بيفضي مساحة على موبايلك، لا هو كمان يعتبر وسيلة آمنة للحفاظ على ملفاتك وصورك لو حبيت تغير الموبايل او باظ منك، تقدر ترجعها بسهولة.

أفضل تطبيقات مجانية لتحسين الاداء 

تقدر تنزل التطبيقات دي بالمجان من  Google Play عشان تحسن اداء جهازك:

مع ان الاهتمام ما بيتطلبش :) بس موبايلك لما بيبطئ واداؤه بيقل، فهو بيطلب اهتمامك.

وده موضوع مهم لمزيد من النصايح للحفاظ على أداء جهازك في أفضل حالاته