السعة الفعلية للباور بانك 🔋 

مافيش اختلاف ان الباور بانك دلوقتي بقى اساسي لاي حد بيستخدم التليفون المحمول، سواء في شغله او في تواصله مع اصحابه او حتى لو بيستخدمه للترفيه، واسوأ حاجة انك فجأة تفصل عن كل ده، بس السؤال اللي دايمًا الناس بتسأله، ليه مابعرفش احسب كويس السعة الفعلية للباور بانك وعدد مرات الاستخدام قبل ما اضطر اشحنه تاني؟ الاجابة ببساطة، ان فيه فرق فعلاً بين سعة بطارية الباور بانك المعلنة والسعة الفعلية عند استخدامه لشحن الموبايل. في المقال ده هنستكشف اسباب الفرق ده بما في ذلك الفرق بين جهد البطارية وجهد مخرج الباور بانك، وهنعرض مجموعتنا الرائعة من الباور بانك اللي بتتميز بالجودة العالية والسعر المناسب مع الضمان من العلامات التجارية الشهيرة زي Matrix و Cager. 💪🌟

فرق الجهد: بطاريات 3.7 فولت مقابل 5 فولت USB قياسي ⚡

أحد العوامل الأساسية التي بتساهم في الفرق بين السعة الفعلية والسعة المعلن عنها للباور بانك هو فرق الجهد. الباور بانك بيحتوي على بطاريات مدمجة بجهد 3.7 فولت. غالبًا بتكون بطاريات ليثيوم بوليمر رفيعة وخفيفة لسهولة الحمل.

بس عشان المخرج يتوافق مع مدخل شحن الموبايل، لازم يكون بيخرج 5 فولت مش 3.7 فولت، وعشان كدة جوة الباور بانك فيه دائرة تحويل بتغير الجهد من 3.7 فولت إلى 5 فولت عشان تناسب الداخل للموبايل.

من غير كلام كتير، تقدر ببساطة تستخدم المعادلة دي لحساب الخارج الفعلي من الباور بانك:

سعة الباور بانك × 3.7 ÷ 5 = الخارج الفعلي

بالنسبة لباور بانك 10,000 مللي أمبير في الساعة 3.7 × 10,000 ÷ 5 = 7,400 مللي أمبير ، يعني يقدر يخرج فعليًا 7400 مللي امبير بس.

كفاءة التحويل: Conversion Effeciency 💪

سبب تاني للفرق ده هو كفاءة التحويل أو Conversion Effeciency. الباور بانك نفسه عشان يشحن ويحول الجهد ويشتغل بيحتاج طاقة، وطبعًا هياخدها من بطاريته، ده غير فقد الطاقة اثناء عملية التحويل في شكل حرارة. يعني مش كل الطاقة اللي في البطارية بتتنقل لجهازك.

عادة ما يكون معدل كفاءة تحويل الطاقة في الموديلات القوية بين 80٪ و 93٪. ومع الاخذ في الاعتبار فرق الجهد اللي لسة متكلمين عنه، يبقى الباور بانك سعة 10000 يقدر يطلع حوالي 5900 - 6800 مللي امبير في الساعة.

عوامل تانية بتأثر على سعة الباور بانك 📊 

بالاضافة إلى فرق الجهد وكفاءة التحويل، فيه عوامل تانية بتأثر برضه، منها:

• استهلاك البطارية: بمرور الوقت، مع استهلاك البطارية، هيقل قدرتها على تخزين الطاقة، في الاول والآخر البطارية ليها عمر افتراضي، وكل ما تم استخدامها اكتر كل ما كفاءتها قلت.
• درجة الحرارة: ارتفاع درجات الحرارة ممكن يأثر بشكل بسيط على الباور بانك، بس مع الوقت الطويل ممكن الفرق يبقى واضح.
• كابل الشحن: لو كابل الشحن من النوع الرديئ او غير متوافق مع موبايلك او الباور بانك، هيسبب تهريب للطاقة في صورة حرارة، بالاضاءة لبطئ عملية الشحن، بس ما تقلقش، معظم الباور بانك بييجي معاه كابل شحن متوافق معاه، او ممكن تستخدم كابل الشحن الاصلي اللي بييجي مع الموبايل.

اختيار الباور بانك المناسب لاحتياجاتك ⚡

عند اختيار الباور بانك ، تأكد من البحث عن الميزات التالية:

• الجودة: العلامات التجارية القوية زي Anker و Energizer وXiaomi و Matrix و Cager معروفة بقوتها وأدائها. لانهم بيستخدموا في الصناعة مكونات بجودة عالية، وده بيأثر على الاداء والعمر الافتراضي طبعًا.
• الضمان: الضمان هو علامة على الثقة، فالمنتج اللي عليه ضمان اشتريه وانت متطمن، وفي Sunny Stores كل منتجاتنا بتيجي مع ضمان مباشر من عندنا، فاشتري وانت متطمن.
• السعة: اختر باور بانك بالسعة المناسبة لاحتياجك، مع الاخذ في الاعتبار الحجم، لان السعة الاعلى اكيد حجم الباور بانك بيكون اكبر ووزنه اتقل، فلو انت عايز حاجة تتحرك بيها، الحجم الاقل هو الافضل وبالتالي السعة الاقل.

تقدر تعرف المزيد عن كيفية اختيار الباور بانك الافضل في المقال ده

مستني ايه؟ الحق عروضنا من الباور بانك وصدقني مش هتفصل! 🔌🌍